भूकम्पले जिर्ण भएको मेरो देशमा 

आशा र संभावनाको दीप बालिदेउ 

प्याक प्याक्ति मुख बाइरहेका

काकाकूलका देहमा अमृत छरिदेउ

साना तिना झिना मसिना कुराहरुमा 

अल्झिरहेका ठूला ठूला देवहरुसमक्ष 

शान्ति, मेलमिलाप र राष्ट्रियताको 

मेघ गर्जनले पंचजन्य संख फुकिदेउ 

नांगिएका वन पाखा , उदांगिएका बस्तीहरु 

भू माफिया र प्लटिंग सम्राट बिरुद्ध 

जगमगाई उठ्न र प्रकृतिसंरक्षणमा 

प्रेरित पार्दै सबैलाई उक्साइदेउ 

ओठे बोली मात्र हैन काम  गर्ने 

हौसला र प्रेरणा प्रदान गरिदेउ 

कुवा बनाउने घाँसी मात्र हैन 

मनमा बस्ने भानुभक्त जन्माइदेउ।