बिहान पाँचैबजे मंगले दाइले बोलाउने मूलपानी
मित्रता प्रेम भाइचारा सबैलाई सिकाउने मूलपानी
काठमाडौंको जुम्लासरी बिकट देखिने प्यारो मेरो गाँउ
मिहिनेतको पानीले मलिलो धर्ती भिजाउने मूलपानी
मनोहराको तिरबाट बोडेसँग माया गाँस्ने मेरो ठाँउ
फाँट,झुल,बगर,भिखेल,मैचाखेल अटाउने मूलपानी
गोकर्ण र नीलबाराहीको शीतल बतासले सिंचिएको
आधा राजधानीलाई रासन खुवाउने मेरो मूलपानी
रमाइलो, खुशियाली, एकता र बहादुरी को संगम
सबैलाई स्नेह र ममताले फकाउने प्यारो मूलपानी
