केहि गर्छु भन्दा भन्दै आधा जीवन गइसक्यो
झोली तुम्बा बोकेर अब हिड्ने बेला भइसक्यो
कोहि भन्छ येसो गर कोहि भन्छ उसो नगर
थ्याच्च मेचमा बस्दा बस्दै उठ्ने बेला भइसक्यो
छटपटी त छदै थियो ब्याकुल हुन थालियो
हतारो समयले नेटो काट्ने बेला भइसक्यो
धक्का मर्दै धुवाँ र पानी अंगाल्दै टुक्रा पर्दै
पालीको हिउँ सुस्तरी पग्लने बेला भइसक्यो
संवाहकको एक्लो यात्रा आफैंमा सिमित हुदैं
ठक्कर हण्डर निराशाले मार्ने बेला भइसक्यो
No comments:
Post a Comment