धन्य म !

आज कालो बिरालोको दर्शन पाइयो। यो बिरानो देशमा आज दोश्रो पटक होला सायद म डराएको । २/४ दिन अगाडी झन्डै गाडीले दनक दिएको कुरालाई त मैले भुलिसकेको थिएँ। तर अचानक त्यो सानो कालो बिरालोको बडाबडा आँखाले मलाई निक्कै डर देखायो। झ्वाट्ट ढोका खोल्दा ति आँखाहरु त मलाई पो नियाली रहेका रहेछन । मुटुको गति नाप्ने यन्त्र भएको भए १२० भन्दा कम देखाउँदैनथ्यो होला । जीवनमा कहाँ बाट के हुन्छ कसैलाई थाह छैन । तेस्ता नाथे बिरालो संग डरायो भन्दै हुनुहुन्छ होला तर मलाई त्यस बखत त्यो जन्तु नाथे लागेन । जे होस् जीवनको अर्को पाटो पनि अगाडी ल्याइदियो त्यो बिरालोले । मैले उसलाई धन्यबाद नदिईरहन सकिन।